You Are Here: Home » WISATA » KULINER » Resep Oseng Kangkung

Resep Oseng Kangkung

Resep oseng kangkung khas ala masyarakat Kebumen sing garep tek olah ya kue kangkung bumbu tempe semangit.

Bahan sing perlu disiapna :

Seunthil kangkung (kira – kira 205 gram), terus di prithili terus di kumbah.
Kecambah ireng segegem, pilihi sing apik apik,sing bosok di buang men ora pait terus di kumbah.

Bumbune :

Oseng Kangkung

Oseng Kangkung

Bawang ( Bawang Putih ) telung siung di iris tipis
Brambang ( Bawang Abang ) limang siung di iris tipis
Lombok Rawit sing Abang  papat bae (akehe sedingaeh  / menurut kesenengane Rika ) di iris tipis
Tempe Semangit  siji ( Biasane enyong ngenggo sing di bungkus godong isine siji ) di iris cilik – cilik
Gula jawa secukupe
Uyah secukupe
Micin atau masako secukupe
Lenga gurih / goreng (ajah Jlantah ya.. J) secukupe.

Carane masake:

Pertamane,  gawe geni aring keren / gene, panasna lenga gurih anggo waja. Maene waja wesi  (sing ireng kae lho )

Cemplungna bawang putih karo brambange nang lenga panas. Di oseng – oseng anggo soled apa irus, ajah nganti geseng ya, nganti metu mambu enak.

Terus, cemplungna Lombok, Tempe Semangit, oseng – oseng mening nganti mambu wangi.

Bar gue, sreng na Kangkung karo Kecambah Ireng, oseng-oseng mening nganti bumbune rata.

Tutup anggo tutup periuk sekitar  3 menit.

Bar 3 menit, tambaih uyah, gula, micin terus diaduk mening karo di cicipi. Ajah kasinen ya, engko ndarani agi brei.  😀
Nek rasane wis pas, gari dientas, wadaih piring.

Genine pateni, nek murub terus mbok kobongan pawone, turane eman eman kayune. hehe

Nah, jangan kangkunge wis mateng, ayuh pada maem bareng – bareng mumpung esih anget.

Enak mening nek ana gesek layur sing wis di goreng, utawane lalaban pete apa jengkol.

Nah, kaya kuwe mau resep kuliner oseng kangkung khas Kebumen lan cara masakke.
(mutia)

About The Author

Untuk bergabung dengan Group Aku Cinta Kebumen di Facebook, silahkan buka link ini => Aku Cinta Kebumen

Number of Entries : 137

Comments (6)

Leave a Comment

© 2014. Facebumen - Aku Cinta Kebumen. Supported by Tips & Trik

Scroll to top